„პურის ფესტივალი“ ერთდღიანი ღონისძიებაა, რომელიც „ელკანას“ ინიციატივით 2010 წლიდან, უკვე მეხუთედ, იმართება ახალციხეში. ფესტივალი უწყვეტად ტარდება 2021 წლიდან ბიოლოგიურ მეურნეობათა ასოციაცია „ელკანას“, სამცხე–ჯავახეთის დანიშნულების ადგილის მართვის ორგანიზაციის (DMO), და ახალციხის მუნიციპალიტეტის მერიის ორგანიზებით. 2023 წელს, პირველად, ფესტივალის სპონსორებს შორის იყო რეგიონის კერძო სექტორის წარმომადგენელი – სასტუმრო ახალციხე ინი.

ფესტივალის მიზანია ხორბლის ადგილობრივი ჯიშების აღდგენა–პოპულარიზაციის ხელშეწყობა, ამ საქმიანობაში რაც შეიძლება მეტი ფერმერის ჩართვა და ადგილობრივი პროდუქტების გაყიდვა/გასაღების მოკლე, თანამშრომლობითი ჯაჭვების წარმოჩენა–წახალისება.

ფესტივალის ვიზიტორებს საშუალება აქვთ გაეცნონ ხორბლის ენდემურ სახეობებს და ადგილობრივ ჯიშებს, მათ მნიშვნელობასა და მოვლა–მოყვანის წესებს, დააგემოვნონ ადგილზე გამომცხვარი სხვადასხვა სახეობის ხორბლის პური, ადგილობრივი პროდუქტები და სამცხე–ჯავახეთის ტრადიციული კერძები.