სამცხე-ჯავახეთი საქართველოს სამხრეთ-დასავლეთით მდებარე  საოცრად მრავალფეროვანი რეგიონია. რეგიონში წარმოდგენილი ბუნებრივი, კულტურული და გასტრონომიული მემკვიდრეობა ყველა ტიპის მოგზაურის ინეტერესებს აკმაყოფილებს. 

შეგიძლიათ უსასრულოდ იხეტიალოთ პატარა ქალაქებში ან ეწვიოთ უძველეს სოფლებს, სადაც ძველი საცხოვრისების ნანგრევებზე დაკვირვებით წარმოდგენას შეიქმნით, როგორ ცხოვრობდნენ აქ ათასობით წლის წინ. ეს ტერიტორია უამრავი ციხისა თუ სასახალის ნანგრევს, ეკლესიას და მონასტერს მოიცავს, სადაც მნახველს უზადოდ შესრულებული ფერესკები აღაფრთოვანებს. ნუ დაივიწყებთ არქეოლოგიურ ძეგლებსაც! თუ უფრო ბუნების მოყვარული ადამიანი ხართ, იმოგზაურეთ რეგიონის სამი ეროვნული პარკიდან ერთ-ერთში და დაათვალიერეთ ბუნება, ტყეები და ტბები. რეგიონი ასევე ცნობილია კურორტებით, მათ შორის სათხილამურო კურორტითაც.

ვებგვერდის „რა ვნახოთ“ სექცია სამ სხვადასხვა სფეროდ დავყავით:

ცენტრალური მესხეთი განსაკუთრებით ცნობილია თავისი ისტორიული მემკვიდრეობით, მუზეუმებით, უძველესი სოფლებით, ეკლესიებითა თუ მონასტრით, ციხე-სიმაგრეებით.

ბორჯომ-ბაკურიანი, რომელიც ცნობილია კურორტებითა და მინერალური წყლებით, ასევე სამთო-სათხილამურო კურორტ ბაკურიანისა და საქართველოს უდიდესი ეროვნული პარკის - ბორჯომ-ხარაგაულის ეროვნული პარკით.

ჯავახეთის ტერიტორია კი განთქმულია ტბებით, პეიზაჟებით, მეგალითური კულტურის ნაშთებითა და ქედებით.

რა თქმა უნდა, ბუნებისა და კულტურის გარდა, ყველგან შეგიძლიათ დააგემოვნოთ რეგიონის უნიკალური სამზარეულო.