სამცხე-ჯავახეთის DMO-მ რეგიონში პრეს ტურს უმასპინძლა
13-18 ივლისს, სამცხე-ჯავახეთის დანიშნულების ადგილის მართვის ორგანიზაციამ სამცხე-ჯავახეთში პრეს ტურს უმასპინძლა. ფინეთიდან მოწვეულ ბლოგერთან ერთად, რეგიონის სანახაოებები საქართველოში მცხოვრებმა უცხოელმა ჟურნალისტებმა და ბლოგერებმა მოინახულეს.
სამცხე-ჯავახეთში მოგზაურობის შედეგად, ბლოგერები და ჟურნალისტები მოამზადებენ სტატიებს და ბლოგებს, რომელიც გამოქვეყნდება ფინეთის და ბრიტანეთის წამყვან მედია საშუალებებში, ასევე მონაწილეთა პირად ბლოგებზე და სოციალურ მედიაში. სამცხე-ჯავხეთის დანიშნულების ადგილის მართვის ორგანიზაციის ფოტო-ბანკის გამდიდრების მიზნით, ტურში ფოტოგრაფიც იღებდა მონაწილეობას.
ტურის ფარგლებში, მონაწილეებმა იმგზაურეს რეგიონის ყველა მუნიციპალიტეტში, მოინახულეს გამორჩეული სანახაოებები და ესტუმრნენ ტურიზმის სფეროში ჩართულ სერვისის მიმწოდებლებს. აღნიშნული აქტივობის მიზანია ხელი შეუწყოს სამცხე-ჯავახეთის რეგიონის პოპულარიზაციას და კრეძო სექტორის გაძლიერებას.